قصيدة لقدوم المدارس

بسم الله الرحمن الرحيم
السلام عليكم ورحمة الله وبركاته
هذي قصيده بمناسبة قدوم المدارس
واتمنى انها تعجبكم ولا ابي اطول عليكم



الله من دفتر التحضير .............. عقبت لي بالصـدر علـه
لا شفت خلي معاه اغير................. كني على صالي المله
اغار من مادة التعبير ............... والانجليزي اذا ارطن لـه
ولا القواعد مع التدبير ............. هي البلا والبـلا كلـه
حاشاه خلي من التقصير ........... مكمـلا واجبـه كلـه
لكن غيرة رجل وتصير ............. وايضا مخافه علـى خلـه
الصاحب اللي غلاه كبير ............ العقل والقلـب محتلـه
امشي معه لو ما ابغى اسير ....... من خوف لااطا على ظلـه
جات الإجازه وجا التغيـر ...... واتبـدل الحـال والحلـه
من بعد طول السهر تصفير........... وليا صحى زين الدلـه
فلة حجاج وسوالف غيـر .......... وايامنـا كلهـاا فلـه
واليوم ماعاد به تأخير ........... .جات المدارس ياوجـه الله
الصبح يصحى سواة الطير ............. مع طشة الصبح مشتله
مسرع وخايف من التسطير ....... والظهر ما احد بيأذن لـه
في الاختبارات الين عصير........ يجلس يعانـي مـع الشلـه
هذا شفـاوي وذا تحريـر ........ والجمـع والرصـد يملـه
لاشاي لاماي لاعصير........ ريقـه نشـف ماحـدن يبلـه
وليـا طلـع راح للتصويـر ..... والمكتبـه دربهـا ادلــه
في كل يوم امعن التفكير..... هاالوضع وشلـون انـا احلـه
اصبر حبيبي ويحصل خير ..... لاحيـن مـا ابنيلـك الفلـه
والله ماعاد يـوم تسيـر ....... لـو البلـد يحتـرق كلـه


وسلامتكم

شكرااااااااااا على الموضوع روعه اتمنى لك الافضل
يسلمموااااااااااااااااااااااااااااااااااااا